Plantun de Prouvènço

Pèr coumpara dos planto d'encò nostre

Callitriche truncata & Nicotiana glauca

Callitriche truncata

Plantaginaceae

Nom en français : Callitriche tronqué.

Descripcioun :
Aquesto estello-d'aigo, toujour dins l'aigo, se rescontro dins li mueio, palun e roubino d'un tèms en Camargo e Crau verdo. Es uno planto primo emé d'entrenous courtet e que porto de pichòti fueio en lanço. Li fru soun pèr quatre en meno de crous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Callitriche
Famiho : Plantaginaceae

Ordre : Lamiales

Coulour de la flour : Verdo
Petalo : ges
Ø (o loungour) flour : 1 mm
Flourido : Printèms - Estiéu

Sòu : Ca
Autour basso e auto : 0 à 10 m
Aparado : Noun
Abriéu à jun

Liò : Aigo - Mueio - Palun - Roubino
Estànci : Mesoumediterran à Subremediterran
Couroulougi : Éuroupenco-Sud
Ref. sc. : Callitriche truncata Guss., 1826

Taba(-verdau)

Nicotiana glauca

Solanaceae

Noms en français : Tabac arborescent, Tabac glauque.

Descripcioun :
Lou taba-verdau es un aubret que trachis au nostre dins li fendasclo di vièi paret e de roucas. Nous vèn d'Americo dóu miejour (Argentino) ounte se vèi fin qu'à 3 700 m d'auturo. Se recounèis à si fueio pourtado pèr un long pecou e verdalo coume la tijo peréu bluio, e tambèn bonodi si lòngui flour jauno en tube.

Usanço :
Emai aguèsson pas li mémi prouprieta qu'aquéli de Nicotiana tabacum, li fueio seco soun fumado pèr lou pople "Quechua" alor que li "Cahuilla" se n'en sèrvon en emplastre pèr garri li plago, li macaduro e li fleiroun, e pèr sougna lis enflige (edèmo). Mèfi de n'en pas manja li fueio, soun mourtalo ! La decoucioun de fueio, richo en nicoutino e anabasino (alcalouïde), pòu servi dins l'ort pèr tua li nieroun.

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Nicotiana
Famiho : Solanaceae

Coulour de la flour : Jauno
Petalo : 5
Ø (o loungour) flour : 0,5 cm
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco :
Abriéu à óutoubre

Liò : Paret - Escoumbre e proche dis oustau - Roucas
Estànci : Termoumediterran à Mesoumediterran
Couroulougi : Óurigino Americo-Sud
Ref. sc. : Nicotiana glauca Graham, 1828

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Callitriche truncata & Nicotiana glauca

ges

Coumpara Estello-d'aigo(-trouncado) emé uno autro planto

Coumpara Taba(-verdau) emé uno autro planto